Paĝo:Belmont - Sonoj Esperantaj, 1908.pdf/26

Ĉi tiu paĝo ne estas provlegita

Ne povos fajr’, ne povos glav’
Kurantan penson teni…

Kun vivaj ĉiam iru vi!
La novan vivon amu!
Obstine per velkinta laŭr’
La kapon ne ornamu!

Ne repuŝebla viva ond’!
Sencele vi sopiros!
Koler’ senforta! vana plend’!
Antaŭen mondo iros!


PINO.
El Tetmajer.

La sola pino bruas
Sur kruta la ŝtoneg’…
Ĉe la piedoj ĝiaj
Nigriĝas profundeg’…

Ĉirkaŭas ĝin malvarma,
Malgaja mur’ granita…
Kaj supre nigrajn nubojn
Kurigas vent’ subita…

Per la dezerto ŝtona
De ĉie ĉirkauita,
La sola pino bruas
Senfine ĉagrenita…


HIMNO AL AMO.
de Kazimierz Tetmajer.

Vi estas fort’ plej alta, al Vi obeas ĉio,
Amo!