Ĉi tiu paĝo estis validigita
Li:
Mi jam trovis plej honestan,
Karan, la serĉitan,
Belan, dolĉan, en butiko —
Pupon la pentritan.
Ŝi:
Mi jam trovis unu solan,
Estas tiu kara:
Brava, juna militulo
Sur portret’ centjara.
Li:
Ekrigardu pup’ pentrita
Ame per okulo,
Eble el portret’ ĉevalon
Saltos militulo.
Ŝi:
Militul’ pentrita saltu
Sur ĉevalon flame!
Eble en pentrita pupo
Kor’ ekfrapos ame!
