Azrah
Azrah
— El Heine —
Ĉiutage promenadis
De sultan’ filin’ belega
Je l’vespero, ĉe fontano,
Kie blankaj akvoj plaŭdas…
Ĉiutage juna sklavo
Ĉe fontan’ vespere staris;
Kie blankaj akvoj plaŭdas…—
Ĉiutage pli paliĝis…
Unufoje princidino
ĵetis al li tri demandojn:
Aŭdu! volas mi ekkoni
Vian nomon, teron, ganton…
Kaj al ŝi respondis sklavo:
Nom’—Machmed’; el tero—Jemen;
Mia gento—tiuj Azrah,
Kiuj mortas, kiam amas…
Esperantigis Leo Belmont
[Ornamaĵo mankas]