La Sekreto de Amo
La Sekreto de Amo (Junio 1911)
Elŝuti kiel: 
LA SEKRETO DE AMO
DE WILLIAM BLAKE.
Ne esprimu vian amon;
Amo estas nedirebla;
La venteto dolĉa spiras
En silento nevidebla.
Mian amon mi esprimis;
Ĉion el la koro diris;
Ŝi, malvarma kaj tremanta,
Kun timego tuj foriris.
Baldaŭ post foriro ŝia,
Vojaĝanto tien venis;
Nevidebla kaj silenta,
Per ekgem’ li ŝin forprenis.
El la angla tradukis
Clarence Bicknell,
Bordighera, Italujo.
Clarence Bicknell,
Bordighera, Italujo.