Malnova Testamento (Zamenhof)/Psalmaro/126

Psalmaro 126 (1927)

Tradukita de L. L. Zamenhof
Malnova Testamento — Psalmaro (p. 529)

Elŝuti kiel:

Kanto de suprenirado.

1 Kiam la Eternulo revenigis la forkaptitojn al Cion,
Tiam ni estis kiel sonĝantoj. 2 Tiam nia buŝo estis plena de gajeco,
Kaj nia lango plena de kantado;
Tiam oni diris inter la popoloj:
Ion grandan la Eternulo faris por ĉi tiuj. 3 Ion grandan la Eternulo faris por ni:
Ni ĝojas. 4 Revenigu, ho Eternulo, niajn forkaptitojn,
Kiel riveretojn en sudan landon. 5 Kiuj semas kun larmoj,
Tiuj rikoltos kun kanto. 6 Iras kaj ploras la portanto de semotaĵo;
Venos kun kanto la portanto de siaj garboj.