Malnova Testamento (Zamenhof)/Psalmaro/133

Psalmaro 133 (1927)

Tradukita de L. L. Zamenhof
Malnova Testamento — Psalmaro (p. 531)

Elŝuti kiel:

Kanto de suprenirado. De David.

1 Jen, kiel bone kaj ĉarme estas,
Se fratoj vivas kune! 2 Kiel la bona oleo,
Kiu de la kapo defluas sur la barbon, la barbon de Aaron,
Kaj defluas sur la randon de lia vesto; 3 Kiel la roso,
Kiu de Ĥermon malleviĝas sur la montojn de Cion;
Ĉar tie la Eternulo donas la benon,
Vivon por eterne.