Ĉi tiu paĝo estis validigita
Ĉielarkon koloran de bril’, kiun Viaj
Traflugantaj Anĝeloj etendis gigante,
En miljaro post mi, ie homoj aliaj
Rigardados… mortante…
Antaŭ ol kun vanteco paciĝos la koro,
Mi malĝojas, Sinjoro!
IV.
SUR LA JUNGFRAU.
SUR LA JUNGFRAU.
(El Marja Konopnicka).
Jam blankiĝas mateno
Por la ĝoja soleno…
Sonas vigle signaloj,
Jam vekiĝas la valoj:
— Kiam estos, kiam estos Junedzino vestita?
Bruas supro granita;
La Junedzo, vekita,
Matenruĝon elsendas,
Karan vorton atendas:
— Kiam estos, kiam estos Junedzino vestita?
Iras ar’ amikina
Al la hejmo estrina,
