Ĉi tiu paĝo estis validigita
XX.
DRAMA FRAGMENTO.
(El „Mazepa” de Juljusz Slowacki).
SCENO I.
Salono lumigita kiel por balo. La Vojevodo, Zbignjev,
poste la Kastelanino.
VOJEVODO.
Ĉe pistujoj la meĉojn tenu bruligitajn!
Vi filo, moŝto Zbignjev, rigardu atente,
Ĉu ĉio estas deca por reĝaj festenoj.
(Al la eniranta Kastelanino):
Moŝto Kastelanino! mi havas motivojn
Ĝoji, ke vin mi vidas en san’ kaj freŝeco.
KASTELANINO.
Kastel’ de via moŝto aspektas tre bele! —
Kiom lampoj! oraĵoj! — Kaj via edzino?
VOJEVODO.
Ĝis nun ne estas preta kaj ne ornamita —
Mia fil’ anstataŭos ŝin ĉe via Moŝto.
Mi iros ekrigardi el turo sur stratojn,
Ĉu jam sur voj’ tilia ne veturas reĝo.
Zbignjev, vi atentiĝu al Kastelanino,
Amuzu Ekscelencon.
