Ĉi tiu paĝo estas provlegita
RECHA
Nun mi vin ambaŭ ne komprenas!
DAJA
Vi povos venĝi vin pro l’ ekscitiĝo
Al vi de li igita. Sed ne estu
Nun tro severa kaj ne tro venĝema.
RECHA
Vi mem ne scias, kion vi parolas.
DAJA
Ĉu do vi ree estas tute kalma?
RECHA
Mi estas; jes, mi estas…
DAJA
Ke vin ĝojigas lia malkvieto;
Ke vi al lia malkvieto dankas
La kalmon vian nunan.
RECHA
Plej eble mi konfesi povus, ke
Min — min mirigas, ke post tia bruo
En mia kor’ subite regi povas
Kalmeco tia. — Lia plena vido,
Parol’, konduto min…
DAJA
Satigis jam?
RECHA
Satigis? Tion mi ne diru! Ne!
Ho, tute ne!