Ĉi tiu paĝo estas provlegita
SITTAH
Ho, frato mia, malgravaĵo tuŝu
Vin ne pli multe, ol ĝi ja valoras.
Vi scias, ke mi gajnis kelkajn fojojn
De vi la saman sumon, ŝakludante.
Kaj ĉar mi nun la monon ne bezonas;
Ĉar nun en via kaso ja la mono
Ne estas tro abunde, mi enlasis
La sumojn. Tamen vi pro ĝi ne zorgu.
Mi ja intencas ĝin donaci nek
Al vi, nek al la kaso, nek al Hafi.
HAFI
Ho, se nur estus tio!
SITTAH
Eĉ kromaĵo:
Eĉ tio restis en la kaso, kion
Krom tio iam vi por mi destinis.
Ĝi restis en la kaso de monatoj.
HAFI
Kaj krome?
SALADIN
Kio? — Tuj parolu!
HAFI
De kiam de l’ Egiptoj ni atendas
La monon,…
SITTAH
al Saladin
Ne aŭskultu!
HAFI
…ŝi ne nur
Neniom prenis…
SALADIN
Bonulin’! — Sed eĉ
Pruntdonis, jes?
