Ĉi tiu paĝo estas provlegita
Rideton? Mi nun volus legi el
Mieno via pridubebla, kion
Mi aŭdas tiom klare, kion vi
Aŭdeble diras. — Vi silentas? — Recha!
Li prave diris: „Ho, nur konu ŝin!“
RECHA
Pri kiu? — kiu — tion diris?
TEMPLANO
Nur konu ŝin!“ — min diris via patro;
Pri vi li diris.
DAJA
Ne ankaŭ mi?
TEMPLANO
Do kie estas via patro? Ĉu
Ankoraŭ ĉe l’ sultan’?
RECHA
Sendube.
TEMPLANO
Ho, mi forgesemulo! — Ne! Li tie
Ne estas plu! — Li min ĉe l’ monaĥejo
Atendas. Certe! — Tion reciproke
Ni ja aranĝis, mi ekpensas. — Tuj
Mi lin renkontu!
DAJA
Mi lin renkontu! Jen afero mia.
Restadu, via moŝto; mi rapidu.