neimageblajn perfektecojn.
Estante konvinkitaj pri tiu ĉi fakto, ni sentas, ke la plej gravaj aferoj, rigardataj eĉ el la evolua scienca vidpunkto, ne estas materiaj aferoj, kvankam estas nepre necese evoluigi materiajn aferojn al la plej alta grado, ĉar penadoj por la homa komforto kaj progreso persiste postulas tion. Sed tio, kio estas vere esenca, estas la evoluo de la daŭranta afero, ne la momento materia — sed kontraŭe, la ĉiamo spirita. Estas grave, ke ni realigu tiun fakton, dum ni ĉi tie ankoraŭ estas aktivaj kaj energiaj, ke ni klopodu prepari nin kiel eble plej bone por rapida progreso, ĉar ni sentas, ke estas en nia povo, daŭrigi nian vivon sur alia planedo.
Tiuj ĉi estas nur kelkaj el la pruvoj, sed nun bonvolu permesi, ke mi finu, dirante al vi la vortojn de ABDU’L BAHA pri la evoluado de la materia flanko de la homo, kaj ankaŭ, ke mi diru al vi la Bahaan opinion pri la plej grava laborado ĉi tie. Unuvorte: kiel ni povas plej bone nin prepari por la pli granda, eble, venonta evoluado, kiam ni trapaŝas la materiajn limojn kaj eniras la Regnon eternan: „La homo en la mondo de l’ ekzistado transiris kelkajn gradojn, ĝis kiam li estas alveninta la mondon de plenaĝeco. En ĉiu grado li akiris kapablon progresi al la proksima. Dum sia restado en la minerala regno li havigis al si kapablon por transpaŝi en la vegetalan regnon. En la vegetala regno li ricevis preparon kaj kapablon por la besta regno. Li venis el la vegetala regno al la besta regno kaj post tio al la homa regno.
„Post tio la homo estis en la utera mondo. En la mondo de utero li akiris kapablon kaj preparon por tiu ĉi mondo. La fortojn kaj povojn necesajn pro tiu ĉi tero li ricevis tie. Ĉi tie li bezonas okulojn, li ricevis ilin ĝerme jam en la antaŭa regno. Li bezonas orelojn, tial li havigis ilin al si en la utera mondo. Ĉiujn sensojn bezonatajn en tiu ĉi mondo li akiris en la mondo de la utero. Tamen, ankaŭ en tiu ĉi mondo li devas sin prepari por la vivo en la estonta Regno. Tion, kion li bezonas en la pli alta Regno, li devas akiri jam ĉi tie. Kiel li sin preparis, akirante la sensojn necesajn por tiu ĉi mondo, estante en la
