Proletaria Kantaro/La Proletaria Marseljezo

Sennacieca Asocio Tutmonda (p. 16-19)
Elŝuti kiel: Elŝuti kiel ePub Elŝuti kiel RTF Elŝuti kiel PDF Elŝuti kiel MOBI
5. La Proletaria Marseljezo
(laŭ motivo de marseljezo[1])

De marseljez’ malnovan kanton
Laŭ nova senco kantos ni —
Ektremu la ekspluatantoj —
Vekiĝis jam proletari’!
En la libera kanto nia
Minacoj sonu de l’ popol’,
Potenca krio, venka ĥor,
Tutmonda vok’ internacia:
Antaŭen laborist’,
Kuniĝu al batal’!
Batal’! Batal’!
Al mortbatal’
Antaŭen laborist’!


Jarcentojn daŭris lukt’ obstina
Kaj ofte pagis per ribel’
Popolo pro subprem’ senfina,
Renversis ordon per martel’.
Ankoraŭ tamen vok’ nenia
Per tia granda spiris fort’
Kaj ne minacis iam kord’
De tiu kant’ internacia:
Rekantaĵo.

Potenca malamik’ burĝaro
Sed venas jam de l’ juĝo tag’;
En senkompata ondegaro
Alvenas jam ilia pag’....
Ĝi mem per sia propra mano
La glavon forĝas kiun ni
Returnos iam kontraŭ ĝi,
Kaj falos regno de tiranoj.
Rekantaĵo

Ĉesigos viajn ni festenojn,
Nin ne timigos mortbatal’;
Ni perdos solajn nur katenojn,
Sed nia estos la kampar’!
Mizeraj tremu vi, premantoj!
Resonas ĉie nia kant’,
Sub ruĝa la batalstandard’
Jam ĉiuj sin kunigas landoj.
Rekantaĵo.

En land’ despote premegata
Aŭskultu! — venas uragan’:
Al lukt’ kun premo senkompata
Leviĝas jen popol’ — titan’.
Kaj antaŭ suno de vekiĝo
En ombron jam foriĝas vi!
Antaŭen! Brilas jam radi’
Radi’ de l’ tag’ de liberiĝo.

Antaŭen laborist’!
Kuniĝu al batal’!
Batal’, batal’,
Al mortbatal’
Antaŭen laborist’!


  1. La originala “Marseillaise“ (Marselana) estas verkita de Rouget de L’isle, rojalisto, kiu faris la versojn en nokto de 25-26a de aprilo 1792 (post militdeklaro) en Strasburg por ekflamigi al milito kontraŭ Prusio-Aŭstrio. Sian vastan gravecon la kanto ricevis nur, post kiam ĝi estis kantita de la jakobinoj en Marseille dum partifesto (junio 1792). Ĝi fariĝis revolucia kanto kaj estis kantata dum la enmarŝo en Paris kaj atako al Tullerioj. Multajn laborist-kantajn tekstojn oni alfaris al la melodio de Marseljezo, el kiuj ni presigas tri en ĉi tiu kantaro. —