Sonoj Esperantaj/Junulo do amas knabinon


13.
Junulo do amas knabinon,

Sed ŝi jam elektis alian…
Ĉi lasta alian ekamis
Kaj faras edzinon ja sian.


Knabin’ de koler’ edziniĝas
Je viro unua renkonta,
Veninta sur vojon okaze…
Junul’ estas senesperonta…

Ho! jen historio malnova,
Sed ĉiam ĝi nova fariĝis…
Al kiu ĝi tamen okazis,
Al tiu la koro rompiĝis…



La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Heinrich Heine kaj de la tradukinto: Leo Belmont.