44. Laboristoj ekvekiĝu!
Vortoj de Novulo
Melodio slava.
Skanaĵo kun partituro.
Laboristoj ekvekiĝu ĉar ni manĝi devas
Estas tempo ke sin ĉiu laboristo levas
Kaj malfermas la okulojn kiel hom’ konscia
:|: Por forpeli la rabistojn de l’ laboro nia :|:
La tiranoj faras leĝojn, kiuj nin premadas,
Kaj pastraro ĉiutempe ilin nur helpadas,
Tial restis ni, mizeraj, subigitaj homoj;
:|: Nun forpelu ni rabistojn jam de niaj domoj :|:
Laboristoj ĉiuloke, penu nin fratigi,
Ĉar ni devas fortojn niajn ĉiam unuigi,
La homaron laborantan, ni mem liberigos,
:|: Se tiranojn ni por ĉiam fine jam forigos :|:
|
