Sonoj Esperantaj/Al brusto, al mia…


15.

Al brusto, al mia — ha, ĝi min doloras! —
Almetu maneton, amata knabino…
Ĉu aŭdas, ke tie meblisto laboras?…
Li al mi la ĉerkon konstruas sen fino!


Ho! kiel li frapas interne en koro!…
La vivo forkuras, ne estas jam por mi…
Rapidu, rapidu je via laboro,
Ke povu mi foj je eterne ekdormi!…



La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Heinrich Heine kaj de la tradukinto: Leo Belmont.