El Parnaso de Popoloj/Rano kaj bovo
Pri la aliaj tekstoj kun la sama titolo, vidu La rano kaj la bovo.Elŝuti kiel: 
16.
RANO KAJ BOVO. (El Jean de La Fontaine.)
La grenouille vit un boeuf,
Qui lui semblait de belle taille.
Sur herbej' sin paŝtis bovo,
Altekreska, diktalia.
Rano, eta kiel ovo,
Lin ekvidis, do, envia,
Sin larĝigis kaj plenblovis,
Streĉis, kiel ĝi nur povis,
Por bovon egali laŭ diko.
Ĝi diris al sia baptano: "Amiko,
Ĉu tio sufiĉas?" — "Ne!" — "Mankas peceto?" —
— "Tre multe!" — "Nun?" — "Same!" — "Jen, kiel mi devis!"
— "Vi ne proksimiĝas!" — Do nia raneto
Sin tiel plenblovis, ke fine ĝi krevis.