El Parnaso de Popoloj/Korvo kaj vulpo

Korvo kaj vulpo (1913)

de Jean de la Fontaine

Tradukita de Antoni Grabowski
El Parnaso de Popoloj, Pola Esperantisto (p. 41-42)

Elŝuti kiel:

17.

KORVO KAJ VULPO.

(El Jean de La Fontaine.)

Maitre Corbeau, sur un arbre perché,
Tenait en son bec un fromage.

◡—◡ | ◡—◡ | ◡—◡ | ◡—(◡)
◡—◡ | ◡—◡ | ◡—(◡)

Sur arbo sidante, la korvo-sinjor’,
Fromaĝon en beko li tenis;
La vulp’, allogite per bona odor’,
Kun tia parolo alvenis:
„Bontagon, sinjoro nobela!
Ho kiel vi estas gracia kaj bela!
Se via voĉet’, en kompar’,
Ne cedas al via plumar’,
Vi estas Fenikso de arbologantoj!“

La korvo, gojega pro tiu admir’,
Por montri belecon de I’ voĉo en kantoj,
Malfermas la bekon: „Grak’!“ falas akir’,
Kaj vulpo, kaptante gin, diras: «Eksciu,
Simplul’, ke flatist’ vivas ĉiu

Je l’ kosto de lin aŭskultanta person’.
Fromaĝon valoras ja ĉi-lecion’!“

La korvo ekĵuris en honto, konfuzo,
Ke poste neniu lin trompos per ruzo.

————————